31 ივლ
OGP-ის ფარგლებში თბილისის მუნიციპალიტეტის რაიონული გამგეობების თანამშრომლებისათვის ტრეინინეგების ჩატარება დაიწყო

სოციალური კვლევისა და ანალიზის ინსტიტუტმა ფონდ ღია საზოგადოება საქართველოს მხარდაჭერით დაიწყო თბილისის მუნიციპალიტეტის რაიონული გამგეობების თანამშრომლების ტრენინგი ღია მმართველობის პარტნიორობის ფარგლებში თბილისის სამოქმედო გეგმის მესამე ვალდებულების შესრულების მიზნით. აღნიშნული ვალდებულება ითვალისწინებს თბილისის ბიუჯეტის დაგეგმვას თბილისის მოსახლეობის გამოკითხვისა და მათი ჩართულობის საფუძველზე. 

 

ვრცლად
31 ივლ
OGP-ს საპილოტე პროგრამის მონაწილე ადგილობრივი ხელისუფლებისა და სამოქალაქო საზოგადოების შეხვედრა გაიმართა ვაშინგტონში
18-20 ივლისს OGP-ს საპილოტე პროგრამის მონაწილე 15 ადგილობრივი ხელისუფლებისა და სამოქალაქო საზოგადოების შეხვედრა გაიმართა ვაშინგტონში.
შეხვედრის ფარგლებში, ადგილობრივი ხელისუფლებებმა საპილოტე პროგრამის სხვა მონაწილეებსა და საზოგადოებას მათ მიერ განხორციელებული საქმიანობის შესახებ ინფორმაცია გააცნეს. გთავაზობთ აღნიშნული შეხვედრის დღის წესრიგს.
ვრცლად
11 ივლ
OGP-ს საპილოტე პროგრამის მონაწილე ადგილობრივი ხელისუფლებისა და სამოქალაქო საზოგადოების შეხვედრა ვაშინგტონში
18-20 ივლისს იმართება OGP-ს საპილოტე პროგრამის მონაწილე 15 ადგილობრივი ხელისუფლებისა და სამოქალაქო საზოგადოების შეხვედრა ვაშინგტონში.
შეხვედრის ფარგლებში, ადგილობრივი ხელისუფლებები გააცნობენ საპილოტე პროგრამის სხვა მონაწილეებსა და საზოგადოებას მათ მიერ განხორციელებული საქმიანობის შესახებ ინფორმაციას.
ვრცლად
30 მაი
ქ. თბილისის მერიაში OGP-ის სამუშაო ჯგუფის შეხვედრა გაიმართა

2017 წლის 30 მაისს, თბილისის მუნიციპალიტეტის მერიის ღია მმართველობის პარტნიორობის (OGP) ფარგლებში სამოქმედო გეგმის მომზადების, მისი შესრულების ხელშეწყობისა და მონიტორინგის სამუშაო ჯგუფის შეხვედრა გაიმართა (იხ: შეხვედრის ოქმი)სამუშაო ჯგუფის წევრებმა დეტალურად განიხილეს ღია მმართველობის პარტნიორობის (OGP) ფარგლებში 2017 წლის თბილისის სამოქმედო გეგმის პირველი ვალდებულებით გათვალისწინებული “smart map” - ის ადმინისტრირების საკითხები და შექმნილი ელექტრონული პლათფორმა. სამუშაო ჯგუფის წევრებმა საკუთარი მოსაზრებები გამოთქვეს სამოქმედო გეგმის მეორე ვალდებულებით გათვალისწინებული პეტიციის („პეტიცია თბილისის მერს“) ინსტიტუციურ-რეგულაციური და შექმნილი ელ-პლათფორმის გაუმჯობესებული ფორმატის  შესახებ. შეხვედრაზე ასევე წარმოდგენილი იყო 2017 წლის სამოქმედო გეგმით გათვალისწინებული სხვა ვალდებულებების შესრულებისა და მიმდინარე სამუშაო პროცესის შესახებ ანგარიში.

 

 

ვრცლად
24 მაი
OGP-ის ადგილობრივი თვითმმართველობების პროგრამის მენეჯერის ვიზიტი თბილისში

29 მაისიდან 31 მაისის ჩათვლით თბილისს, როგორც ღია მმართველობის პარტნიორობის საპილოტე პროგრამის მონაწილე  ქალაქს, ეწვევა და თბილისის ღია მმართველობის სამუშაო ჯგუფის სხდომას დაესწრება „ღია მმართველობის პარტნიორობის“ (OGP) ადგილობრივი თვითმმართველობების პროგრამის მენეჯერი, ბრიტანი ლეინი.

ვრცლად
24 მაი
ქ. თბილისის მერიაში OGP-ის სამუშაო ჯგუფის შეხვედრა გაიმართება

2017 წლის 30 მაისს, ქ. თბილისის მუნიციპალიტეტის მერიის ღია მმართველობის პარტნიორობის (OGP) ფარგლებში სამოქმედო გეგმის მომზადების, მისი შესრულების ხელშეწყობისა და მონიტორინგის სამუშაო ჯგუფი გამართავს შეხვედრას, რომელზეც განხილული იქნება: 

1. ღია მმართველობის პარტნიორობის (OGP) ფარგლებში 2017 წლის თბილისის სამოქმედო გეგმის პირველი ვალდებულებით გათვალისწინებული “smart map” - ის ადმინისტრირებისა და შექმნილი ელექტრონული პლათფორმა.

 2. ღია მმართველობის პარტნიორობის (OGP) ფარგლებში 2017 წლის თბილისის სამოქმედო გეგმის მეორე ვალდებულებით გათვალისწინებული პეტიციის („პეტიცია თბილისის მერს“) ინსტიტუციურ-რეგულაციური და შექმნილი ელ-პლათფორმის გაუმჯობესებული ფორმატის  შეთანხმება;

 3. 2017 წლის სამოქმედო გეგმით გათვალისწინებული სხვა ვალდებულებების შესრულებისა და მიმდინარე სამუშაო პროცესის შესახებ ანგარიში.

 

შეხვედრის ჩატარების ადგილი: ქ. თბილისის მუნიციპალიტეტის მერია; შარტავას ქ. N7 (20-ე სართ).

შეხვედრის ჩატარების  დრო: 30 მაისი, 14:00.

 

ვრცლად
06 აპრ
2017 წლის სექტემბერში საქართველო „OGP“-ის თავმჯდომარე ქვეყნა გახდება

2017 წლის 5 აპრილს, თბილისში გაიმართა ღია მმართველობის პარტნიორობის (OGP) სამდივნოს დირექტორის, ბ-ნი ჯო პაუელისა, და სამოქალაქო საზოგადოების ჩართულობის დირექტორის, ბ-ნი პოლ მაასენის, შეხვედრა ღია მმართველობა საქართველოს ყველა დაინტერესებულ მხარესთან. შეხვედრამ შესაძლებლობა მისცა ღია მმართველობის პარტნიორობის (OGP) პროცესში ეროვნულ დონეზე ჩართულ ყველა დაინტერესებულ მხარეს - საქართველოს მთავრობას, პარლამენტს, თბილისის მერიას, არასამთავრობო და საერთაშორისო ორგანიზაციებს - ერთობლივად განეხილათ საქართველოს ხედვა, გეგმები და მოლოდინები 2017 წლის ოქტომბრიდან საქართველოს OGP-ის მმართველი კომიტეტის თავმჯდომარეობასთან დაკავშირებით. მონაწილეებს სიტყვით მიმართა ქ. თბილისის მერის მოადგილემ ნინა ხატისკაცმა და მოკლედ გააცნო OGP-ის სამოქმედო გეგმაში გაწერილი ვალდებულებების შესრულების მიმდინარეობა.

დისკუსიის მეორე ნაწილში, OGP-ის წარმომადგენლებმა, ჯო პაუელი და პოლ მაასენი, ისაუბრეს საქართველოს თავმჯდომარეობის წლის სტრატეგიულ პრიორიტეტებზე ეროვნულ, რეგიონულ და გლობალურ დონეზე. ასევე გაიმართა მსჯელობა OGP-ის წინა თავმჯდომარე ქვეყნების კარგ პრაქტიკასა და სამოქალაქო საზოგადოების როლზე თავმჯდომარეობის წლის განმავლობაში.

ვრცლად
06 აპრ
ქ. თბილისის მერიაში OGP- ის სამუშაო ჯგუფის შეხვედრა გაიმართა

2017 წლის 31 მარტს, თბილისის მუნიციპალიტეტის მერიის ღია მმართველობის პარტნიორობის (OGP) ფარგლებში სამოქმედო გეგმის მომზადების, მისი შესრულების ხელშეწყობისა და მონიტორინგის სამუშაო ჯგუფის შეხვედრა გაიმართა (იხ: შეხვედრის ოქმი).  სამუშაო ჯგუფის წევრებმა თემატურად და შემდგომ მუხლობრივად განიხილეს ღია მმართველობის პარტნიორობის (OGP) ფარგლებში, 2017 წლის, თბილისის სამოქმედო გეგმის მეხუთე ვალდებულებით გათვალისწინებული საკითხი, კერძოდ სამოქალაქო მონიტორინგის წესის პროექტი. აღნიშნულ პროექტთან დაკავშირებით გამოითქვა რამდენიმე შინაარსობრივი ხასიათის შენიშვნები, რომლებიც აისახება საბოლოო პროექტში. ასევე განხილულ იქნა 2017 წლის თბილისის სამოქმედო გეგმის მეორე ვალდებულებით გათვალისწინებული პეტიციის („პეტიცია თბილისის მერს“) სამუშაო ვარიანტი. მასთან  დაკავშირებით გამოთქმული შენიშვნები აისახება  პეტიციის საბოლოო პროექტში.

 

ვრცლად
29 მარ
თბილისის მერიაში OGP- ის სამუშაო ჯგუფის შეხვედრა გაიმართება

2017 წლის 31 მარტს, ქ. თბილისის მუნიციპალიტეტის მერიის ღია მმართველობის პარტნიორობის (OGP) ფარგლებში სამოქმედო გეგმის მომზადების, მისი შესრულების ხელშეწყობისა და მონიტორინგის სამუშაო ჯგუფი გამართავს შეხვედრას, რომელზეც განხილული იქნება: 

 1.ღია მმართველობის პარტნიორობის (OGP) ფარგლებში 2017 წლის თბილისის სამოქმედო გეგმის მეორე ვალდებულებით გათვალისწინებული პეტიციის („პეტიცია თბილისის მერს“) ინსტიტუციურ-რეგულაციური და ელექტრონული მხარე;

2. ღია მმართველობის პარტნიორობის (OGP) ფარგლებში 2017 წლის თბილისის სამოქმედო გეგმის მეხუთე ვალდებულებით გათვალისწინებული საკითხების, სამოქალაქო მონიტორინგის წესი;

შეხვედრაზე წარმოდგენილი იქნება  2017 წლის სამოქმედო გეგმის შესრულებისა და მიმდინარე სამუშაო პროცესის შესახებ ანგარიში.

 

შეხვედრის ჩატარების ადგილი: ქ. თბილისის მუნიციპალიტეტის მერია; შარტავას ქ. N7 (20-ე სართ).

შეხვედრის ჩატარების  დრო: 31 მარტი, 11:00.

ვრცლად
03 თებ
ქ. თბილისის მუნიციპალიტეტის მერიაში OGP-ის სამუშაო ჯგუფის შეხვედრა გაიმართა

2017 წლის 2 თებერვალს, თბილისის მუნიციპალიტეტის მერიის ღია მმართველობის პარტნიორობის (OGP) ფარგლებში სამოქმედო გეგმის მომზადების, მისი შესრულების ხელშეწყობისა და მონიტორინგის სამუშაო ჯგუფის შეხვედრა გაიმართა, რომელზეც განხილული იქნა ღია მმართველობის პარტნიორობის (OGP) სამოქმედო გეგმის შესრულების  მიმდინარეობა. სამუშაო ჯგუფის წევრები გაეცნენ 2017 წლის იანვარ-თებერვლის სამოქმედო გეგმას და გამოთქვეს საკუთარი მოსაზრებები (იხ. სხდომის ოქმი)

ვრცლად